Böyüməyən ağaclar ölkəsində

Noyabr 12, 2009 10:10 Yazar: e110365

Yaşamaq həzin şey

Başını əllərinin arasına alıb

Zamansız arzularını boğmaq,

pöhrə əhatəsində oturmaq.

Yaşamaq...Guya...

Böyüməyən ağaclar ölkəsində

Yaşılın hər çalarına düşmən,

sevdiyin bu şəhər

yaşılın paytaxtıdır bu il

və bütün sakinləriylə yad.

Sən, ey evsiz-eşiksiz,

“Qonşusu ac yatan bizdən deyil!” deyirsən?

Hmm...Demək, bunu da bilirsən...

Sən tərif gərəyi kimsənin qonşusu deyilsən.

Nə olsun ki, şalvarın tək yamaqlı yol kənarındakı

ağacların hər 3 ayda bir çıxarılaraq

daha hündürləriylə əvəz edildiyini görürsən.

Böyüməyən ağaclar ölkəsində

bir arzu cücərdirsən

böyüməyəcəyini bilə-bilə...

Şaquli nağıllar | Şərhlər(8) | 173 baxış

Şəms EL yazıb:

"Yaşamaq...Guya...
Böyüməyən ağaclar ölkəsində
Yaşılın hər çalarına düşmən,
sevdiyin bu şəhər
yaşılın paytaxtıdır bu il
və bütün sakinləriylə yad. "

Gözəl!

Noyabr 12, 2009 10:45

arami yazıb:

Sohbat Tundradan gedir? Orada aghaclar boyumur, cirtdan qalir. Orada yashayan insanlar da balacaboydur va onlarin arzulari da boyuk olmur.

Noyabr 12, 2009 11:22

3P yazıb:

Salam.

"Böyüməyən ağaclar ölkəsində/bir arzu cücərdirsən/böyüməyəcəyini bilə-bilə..." misraları dünəndən başlayan bədbinliyimə həyat busəsidir sanki...

Sən nə vaxt yazmışdın ki bunları?

Noyabr 12, 2009 14:43

J. yazıb:

Balam, sən heç bədbin olmazdın axı smile
Avara Balıx...

Arami, yəqin ki, bu bütün balacaboylulara deyil, yalnız tundradakılara aiddir, hə?-))
Məsələn, mən bir dənə də olsa avara olmayan Balıx görmək istəyirəm! Bunun nə qədər böyük bir arzu olduğunu təsəvvür edirsizmi?

E, şeirin məna tutumu böyük, ifadə tərzi bir qədər dolğun deyil. Məncə.
Çox xoş bir yazıdı istənilən halda. Mənim də düşündüyüm bir şey yəni.

Noyabr 12, 2009 15:08

e110365 yazıb:

Böyüməyən Ağaclar Ölkəsinin sakini olan və olmayan hər kəsə salam!

ŞEL, çox sağ ol.

Oooo, Arami, xoş gördük. Nəhayət dilə gəldiniz.

İyulda yazmışdım, 3P...amma hər mövsümlük alındı.

J., haqlısan. Zəif olduğunu düşündüyümü daha öncə AmonRayla bölüşmüşdüm. O, isə hər zaman olduğu kimi cəsarətləndirdi. (Ra, sənin üçün çox darıxıram...)
Yazılış və oxunuş zamanındakı ovqat çox vacibdir. Bəlkə də şaquli yox, üfüqi daha məqbul alınacaqdı. Bu haqda düşünmək istəmirdim. İstəyim - təəssüratdan tezliklə yaxa qurtarmaqdı. Elə də etdim...

Noyabr 13, 2009 11:04

arami yazıb:

Yuxarida sohbat arktik tundradan getsa da shakilda tayqa meshaliyi tasvir olunub. Bura ya sibirdir, ya da shimali amerika. Botrnka meshaqiranlara verilan botinkalardandir. Materialina va tez xarab olmasina gora bu rusiya istehsalina oxshayir. Tikilish sxemina va umumi dizaynina gora kanada istehsalina oxshayir. Agar botinkanin manshayini tayin eda bilsak, meshanin hansi araziya aid oldughunu tapa bilarik. Bunu bilsak, bu shakil chakilan yerda hansi nov ayinin rast galindiyini bilmak olar. Bu halda biz nisbi muayyanlikla deya bilardik ki, agar E hamin meshada gazib dolashsaydi o, hansi ayi ila gulashmali olacaqdi. Albatta ki, birca shey daqiqdir ki, bu botinkalar E-ya maxsus deyil. E-nin ozunu da öz gözü ila goran olmadigindan mubarizada ayininmi, yoxsa E-nin qalib galmish olacaghini avvalcadan taxmin etmak chatindir.

Noyabr 13, 2009 13:17

Şəbnəm yazıb:

Böyüməyən ağaclar ölkəsində
bir arzu cücərdirsən
böyüməyəcəyini bilə-bilə...

- indi mən də beləyəm, hamı kimi.. Amma, bircə ümid var yenə. O ümid ki, dayanmadan sulayır. Sulayır ki, bəlkə bir az daha da yetişdirə, çin edə..

Yanvar 14, 2010 15:08

e110365 yazıb:

Şəbnəm, xoş gəlmisiniz.

Yanvar 15, 2010 9:50