Paslanmış dil

Oktyabr 31, 2009 17:19 Yazar: e110365

"Bir də, e110365, Peppi Tommi ve Annikadan ayrılıb atası ilə getdiyi zaman, Tommi məyus olduğu üçün heç danışmırdı. Onlar Peppini atasının gəmisinə ötürürdülər və yolboyu elə hey Peppi danışırdı. Təbii ki, uşaqların kefini açmaq üçün. Birdən Peppi hiss etdi ki, Tommi heç danışmır. Dedi:

- Tommi, bax əgər danışmasan, dilin paslanacaq və ağzın bir daha açılmayacaq. Mən danışa bilməyən belə adamları çox görmüşəm.

Əlbəttə, Tomminin danışması üçün belə etdi.

P.S. Xoş gəlmisən..."

Peppi

Arami ayının son günündə hər kəsə payız salamı!

Əgər danışmasanız, sizin də diliniz paslanacaq və ağzınız bir daha açılmayacaq. Baxın ha!

Noyabr, istəyirəm heç vaxt, heç kəs tərəfindən bu qədər gözlənilmədiyini biləsən. Bil və gəl...

Café110365 | Şərhlər(9) | 159 baxış

3P yazıb:

Susmağıma baxma, çox sadiq oxucuyam... Bir həfətənin içində üç şəhərin adını yazdırmışam sayğaca... razz
Yeri gəlmişkən, "azeriblog"un rəhbərliyinə çatdırın sayıb qaçmasın, hər dəfə gözümə ilişir...-)

Noyabr 1, 2009 1:03

The Image yazıb:

Ok. Bir şərh də mən yazım. Dilimi deyə bilmərəm, əlim paslanmasın... .
Noyabr? Sevmərəm bu ayı. Nə Bakıda sevərdim nə də dünyanın o biri başında sevərəm. Tez gəlsin, tez getsin...

Noyabr 1, 2009 6:25

filosof yazıb:

Salam, Peppi. Corabların həmişəki kimi superdir.
Noyabr yaxşı aydır. Soyuq aylarda daxili fəallıq artır filosoflarda. Ümid edirəm ki, bloqumda da yeni yazılar əmələ gələr onda. ) Çoxdan yazmamağımın mən də fərqindəyəm. İşin çoxluğu ilə izah edirəm özümə.)

Noyabr 1, 2009 9:11

J. yazıb:

Bakının payızı noyabrdadı...

Mənim bir çinarım var axı burda, o da saralır yavaş-yavaş...artıq qarşı eyvandakı oğlanın saatlarla telefonda danışdığını görməli olacam...

Noyabr 2, 2009 12:24

Şəms EL yazıb:

Gəldi Noyabr. Deməli, sən də gözləyirdin? Deyəsən xüsusi Noyabr olacaq bu...

Xoş gördük.

Noyabr 2, 2009 13:40

R. yazıb:

Mənim noyabrım... hamıya xoş gəl - təkcə mənə yox...
İtsreika dolu Oktyabrdan sonra sakiltlikş rahatlıq və sevgi iləəə...
Hamıya salaam...
Həm də AmonRadan

Noyabr 2, 2009 15:26

e110365 yazıb:

Salam, uşaqlar və uşaq olmayanlar!

Yaman yerdə payızladıq. Deməli qoğal kimi ölkədən-ölkəyə şəhərdən-şəhərə diyirlənən 3P imiş. Mən nahaq yerə özümü dünya miqyaslı yazar sanmışam. Eh...

Hörmətli İdarə Heyəti, haqlı iradları eşidirsiniz?
Hərçənd orfoqrafik qüsurları özüm də görmüş və bloq səhifələrində dəyişiklik etməyi öyrəndikdən sonra aradan qaldırmağa çalışmışam. Amma belə məlum olur ki, əsas səhifədə redaktə edilmiş başlıqlar, alt səhifələrdə “AzeriBlog” tərəfindən sistemə daxil edildiyi şəkildə görünür.
Tələb edirik ki, ölçü götürəsiniz! (Xidmət pullu olmasaydı, xahiş edərdik.)

Hörmətli Yolçu,
Ən sevimsiz ayı da sevimli etmək olar. Siz Sina zirvəsini kəşf, Müqəddəs Ekaterina Monastırını ziyarət etmək istəyirdiniz. Nə üçün bu arzu noyabrda gerçəkləşməsin ki? (gülümsəyir)

Filoooosofff,
Təşəkkür edirəm. Çox diqqətlisiniz.
Mən və cənab Nilson Müslim Maqomayevin ulduzunun sönməsini gözləyirik səbirsizliklə.

J.,
O oğlan başqa heç bir işlə məşğul olmur?!!
Yenə mənim bəxtim səninkindən çox gətirib. Niyə desən, yuxarı bax. (gülümsəyir)

ŞEL,
Ikiniz də xoş gəlmisiniz!

R.,
Keçmə bu əqrəblərin noyabr inhisarçılığından.
Ay sənin, AmonRa sənin…

Noyabr 2, 2009 16:45

animaral yazıb:

Tıq-tıq xanıma Salamlar!
Bloqumu bəyəndiyinizə çox sevindim.

P.S.
Noyabr gözlənirmirsə, deməli unudulmalıdır da. Və unuduldulursa ən yaxşı aya çevrilər.
Budur, unudulan Zaman ən doğru Zamandır.

Yanvar 26, 2010 22:34

e110365 yazıb:

Salam, salam, Animaral.
Ümidvaram, bura Sizin xoşunuza gələcək.

Yanvar 27, 2010 9:52