Fevral 4, 2010 13:39 Yazar: e110365
Bu kitabı iki dəfə satın aldım - ikisində də hədiyyə etdim. Əslində sahib olduğum kitabları çətinliklə kiməsə hədiyyə edə və ya oxumaq üçün verə bilirəm, amma bu iki hal istisna idilər. Sonra isə...elə hadisələr baş verdi ki, kitabın uğurlu olduğuna dair inancım möhkəmlənmiş oldu.
Aşağıda kitabdan bir parçanı təqdim edirəm. Müəllifin hamiləliyinin 25-ci həftəsində qızına yazdığı məktubdur bu.
e110365
Davamı...
Eşitdiklərim, Oxuduqlarım, Gördüklərim | | 58 baxış
kitab ədəbiyyat
Yanvar 27, 2010 11:35 Yazar: e110365
Məktub № 4–ün yazıldığı tarixdir.
Bu günədək yazılmış 100 (əslində gizlədilənlərlə birgə 106) yazıda hey özümdən və əhatəmdəki insanlardan bəhs etdim.
Yazıçı, üstəlik, yaxşı yazıçı olmağa namizədliyi yüksək zövqlü ədəbiyyat biləndəri tərəfindən irəli sürülmüş birinin buna ixtiyarı varmı, varsa, bu, nə qədər təqdirəlayiqdir, bilmirəm.
Mən “yazıçı”, üstəlik, “yaxşı yazıçı” adını xəyal belə etməmişəm, etmirəm. Yaxşı insan olmağa isə etirazım yoxdur. Bacarsam. Yəni kömək etsəniz. Axı deyirlər, sevgi öyrənilir. (gülümsəyir)
AmonRa, “çapıq”larıyla birlikdə sevə bilərsənmi?
Salam, dostlar! Böyük gündə xoş gördük!
Café110365 | | 119 baxış
Yanvar 25, 2010 17:55 Yazar: e110365
“Avropa Gündəlikləri” qanayan yaram.
Oxucu indeksli yazmaq nə pismiş, balam.
Oxuculardan biri başını bulayır - guya kişilərin diqqətini çəkmək üçün hamam xalatına bürünüb, vannanın kənarına əyləşmişəmmiş! O biri deyir, sönükdür, əşşi, yazma, pahoo, nə məcburdur!!?
Parisə gedəcəyimi bilən biri "Carnavalet" Muzeyinə gedib insan dərisiylə cildlənmiş konstitusiyanı tapmağımı, imkan varsa, şəklini çəkməyimi istəmişdi. Az getdim, uz getdim, dərə-təpə düz getdim, tapdım o muzeyi. "Carnavalet" - Paris Tarix Muzeyi. Luvr, Orsi, Notr-Dammı qarış-qarış, pillə-pillə gəzdikdə sonra mən elə bitab haldaydım ki, o konstitusiyanı tapıb, şəklini çəkən kimi rədd olacaqdım Parisdən. Nə biləydim fransızların ingilis dilində danışmaqdan imtina etməkləri azmış kimi, girişə “audiotur” cəhənnəm, heç ingilis dilində bir kitabça qoymaq zəhmətinə də qatlaşmadıqlarını. Suluqlamış ayaqlarımı o salondan bu salona sürükləyərək, qızına elçi gələcəyini öyrənən kasıb ananın qonşulardan yığdığı əşyalar kimi hərəsi bir dərədən toplanmış, əksəriyyəti haqda məlumatın yerləşdirilməyib, yerləşdirilənlərin də ancaq fransız dilində olduğu bu muzeydə gözlərimə tanış ad dəydimi - Emil Zolya, Robespyer kimi - bir sevinirəm, gəl görəsən! 
Davamı...
Café110365 | | 93 baxış
paris carnavalet muzey konstitusiya
Yanvar 22, 2010 18:01 Yazar: e110365
Once I spoke the language of the flowers,
Once I understood each word the caterpillar said,
Once I smiled in secret at the gossip of the starlings,
And shared a conversation with the housefly
in my bed.
Once I heard and answered all the questions
of the crickets,
And joined the crying of each falling dying
flake of snow,
Once I spoke the language of the flowers...
How did it go?
How did it go?
Eşitdiklərim, Oxuduqlarım, Gördüklərim | | 85 baxış
Yanvar 13, 2010 10:38 Yazar: e110365
Dünən Mip Gizin 100 yaşında vəfat etdiyi xəbərini oxudum. Kimdirmi? Amsterdamda yaşayan yəhudi qızı Ann Frank və onun ailəsini 2 il müddətində ərzaqla təmin edərək, nasistlərdən gizlədən dəstənin üzvü.
Mən Ann Frankla tanış olanda yaşıd idik. Ədəbiyyat dərsliyimizə salınmış “Ann Frankın gündəliyi”ni oxumaqla başlayan tanışlıqdan bu günə hey yaşlandım, o isə öldüyü 15 yaşında qaldı.
Gündəlikdən çox təsirlənmişdim. Özüm də yazırdım, əlbəttə, amma bunların nə vaxtsa oxunacağını, üstəlik, tarixi əhəmiyyət kəsb edə biləcəyini xəyal belə etmədən. O vaxt heç ağlıma da gəlməzdi ki, oxuduğum gündəliyin orijinalını görə biləcək, fotolardan tanıdığım otaqlarda dolaşacaq, Annın Piterlə birlikdə göyüzünü seyretdikləri çardaqda oturacaq, öz otağının divarlarına yapışdırdığı açıqcalara, qəzetdən kəsilmiş şəkillərə baxacağam.
Sevgilimlə görüşmək üçün getdiyim Amsterdamda uşaqlıq dostumun bir vaxtlar yaşadığı ünvana baş çəkməyə bilməzdim.
Davamı...
Eşitdiklərim, Oxuduqlarım, Gördüklərim | | 217 baxış
ann-frank muzey səyahət amsterdam
Yanvar 9, 2010 9:54 Yazar: e110365
Kərbəla Müsibəti bitmədi. Bitmək bilmir. Hər gün Dünyanın harasındasa yenidən yaşanır. İmam Hüseyn bayraqdarı Əbülfəzl Abbas, Yusif Sadıqov cismində 1990-cı ilin 19-cu yanvar gecəsində Bakıda yenidən qollarını itirir. Hətta qollarını itirməklə qalmır…ondan qalan yalnız sağ qolu olur. Əliəkbərlər, hürlər, həbiblər, qasımlar, abdullalar...hər gün əzab içində ölürlər. Səbəb?
Davamı...
Eşitdiklərim, Oxuduqlarım, Gördüklərim | | 70 baxış
bənəniyar aşura
Noyabr 12, 2009 10:10 Yazar: e110365
Yaşamaq həzin şey
Böyüməyən ağaclar ölkəsində
Başını əllərinin arasına alıb
Zamansız arzularını boğmaq,
pöhrə əhatəsində oturmaq.
Yaşamaq...Guya...
Böyüməyən ağaclar ölkəsində
Yaşılın hər çalarına düşmən,
sevdiyin bu şəhər
yaşılın paytaxtıdır bu il
və bütün sakinləriylə yad.
Davamı...
Şaquli nağıllar | | 174 baxış
Yazılar cəmi: 105
Sonrakı səhifə »
